Meet me at Pfäffikon ZH

Ich wirde da immer wider Aktivitäte usschriibe, wo in Pfäffike ZH stattfindet. Z.B. DOG und/oder Picknick am See, sünele oder mit em Ruderboot (Bootsverleihig) lospadle und de mitbrachti zNacht ässe und bädele. Kubb, Frisbee, Velotürli, etc. Ich freue mich uf eu. :-) PS: Datum wird immer wieder verschobe...

PN a mich bitte, wännd öpis nöd verstahsch. Nur mini Event söttet da im Chat si, will ich sDatum immer wieder schiäbe. Datum isch en Platzhalter. Im Chat jewils en neue Event mit gnaue Agabe.

Und bitte au kei Fotene ufelade, wo nix mit eme Usflug ztue händ. danke.


Newest comments (10 of 30)

  • 13. July 2020
    19:44

    Hallo mitenand :-) ändlich de 2. Event. Am kommende Samschtig, de 18.7.2020 uf die 14.00h, sind 2-6 Persone gsuecht. Träffpunkt; vor de Bootsverleihig. Mer sind am Pfäffikersee, 4 spiläd Kubb, diä andere 2 bis 4 Persone süneled oder bädeled oder pläuderled, was au immer, uf eusere Badtuechinsle. Mir sind scho zu zweit und bringed es SUP mit, wo alli benutze dörfed. Aso bringed eues Bötli, Schwümring, what ever, au mit. Es hät en Imbiss dert und e Toilette. Ich bringe inere Chüältäsche nöd nur Biärli und Wiiswi mit, sondern au echli Fingerfood für alli. Machsch es au so, händ mer es super Picknick zäme. Aso, jetz i däm Chät zuäsäge mit, ja, ich bin debi, oder so. Kei Abmäldige bitte! Sobald höchschtens 6 zuegseit händ, häts kei Platz me. Ich freue mich uf eu.

  • 13. August 2020
    15:00

    3. Event. 1-3 Ebiker/inne gsuecht für am Sunntig, de 16.8.2020. Träffpunkt: Hochstrasse 112, 8330 Pfäffikon ZH, uf em PP vom Lifestyle Coiffure. Abfahrt, am 10.30h. Min Kolleg, de Albi holt eu pünktlich dert ab. 1. Halt in Ottikon bi Gossau ZH. Dert stoss ich und nomal öper dezue. 2. Halt, Goldingen bim Atzmänig. Mittagässe und Akku lade im Rest. Sunä. Mir fahred wiiter über St. Galllenkappel, Schmerikon nach Rapperswil wo mer de 3. Halt mached für es Kafi. Denah Retourfahrt nach Pfäffikon ZH.
    Reini Fahrzit ca. 5 Stund, echli meh als 70 Km.
    Aso, jetzt i däm Chät zuäsäge mit, ja, ich bin debi. Kei Abmäldige bitte! Sobald höchschtens 3 zuegseit händ, häts kei Platz me. Ich freue mich uf eu.

  • 28. August 2020
    10:56

    1 geübte DOG Spieler/in gesucht für heute Abend in Pfäffikon ZH. Zum z'Nacht gibt es Spaghetti mit feiner Bolognese (Biofleisch) und Wein.
    Es würde mich freuen, so auf die Schnelle noch jemand zu finden. PN an mich.

  • 28. August 2020
    12:32

    ausgebucht

  • 24. October 2020
    19:19

    Hello! Wänn git‘s de nächst event bevor Pfäffike ischlaft ??? :)))))

  • 07. December 2020
    11:37

    Hoi zäme
    Ich han grad e Aktivität usgschribe. „Jede Dschischtig“... Dert chasch di amälde.

    Das isch de Event:
    Ich wett mich unbedingt wider meh dusse bewege.
    Drum han ich mich entschlosse, jede Dsischtig de Parcour in Pfäffike ZH z‘laufe.
    Nöd wiit vom letschte Poschte isch eine vo minä Liäblingsgrillplätz.

    Starte möcht ich de Parcour laufend, bis sicher Ändi Januar. Jetzt mit Winterschue, wenn’s si mues mit Schirm, em Wätter entsprächend. Dehnüebige chan mer ja au mit Winterschue mache.
    Je besser s‘Wätter, je meh Üebige und en Gang ueschalte.
    Nach em Parcour chönd mer es Füürli mache für e Wurscht, oder mer isst einfach das was mer mitgnoh hät. Es isch e eifachi Brötelstell ohni Grill. Ich han aber 2 Brändi Grill, passt für 8-10 Würscht. Holzrugeli zum druf sitze häts.
    Träffpunkt wär bim Migrolino Bhf. Pfäffikon ZH. Etc.

  • 07. December 2020
    14:04

    Sali zäme. Mit dem Einverständnis von Michèle setze ich den Link von ihrer neuen Aktivität "Jede Dschischtig“... ein. https://www.spontacts.com/a/fitness/-/jede-dsischtig-de-vitaparcour-und-aschluessend-grill

  • 11. December 2020
    21:17

    Hoi zäme

    Wänns doch nu scho Früählig wär...
    Träffpunkt bim Bhf. Pfäffike vor em Migrolino

    https://www.spontacts.com/a/gutes-tun/-/im-frueaelig-es-gmueetlichs-velotuerli-und-saemli-setzte